Կրթահամալիրում ընդունելությունն իրականացվում է հետևյալ փուլերով
Փուլ 1․ Դիմում-հայտի լրացում․
Ընդունելության նպատակով ծնողը/խնամակալը լրացնում է դիմում-հայտ, որի ձևաչափը տրամադրվում է կրթահամալիրի կողմից (էլեկտրոնային կամ թղթային տարբերակով)։
Փուլ 2․ Գիտելիքների և կարողությունների ստուգում․
Դիմում-հայտի լրացմանը հաջորդում է գնահատման փուլը։ Վերջինս հաղթահարելու դեպքում միայն երեխան կարող է ընդունվել դպրոց․
- 1-ին դասարանի դեպքում խաղերի միջոցով երեխայի հետ իրականացվում է բանավոր հարցազրույց, դպրոցին հոգեբանական պատրաստվածության վերաբերյալ թեստավորում է անցկացվում։
- 2-12-րդ դասարանի թափուր տեղերի առկայության դեպքում` 4 առարկաներից (հայոց լեզու, մաթեմատիկա, անգլերեն, ռուսերեն) գիտելիքների և կարողությունների ստուգում է իրականացվում:
- 7-12-րդ դասարաններում ԱՆՎՃԱՐ կրթության տվյալ տարվա քննական շեմը հայտարարվում է նախապես։
Փուլ 3․ Հարցազրույց ծնողների/խնամակալների հետ
Երեխայի հարցազրույցների/ քննությունների դրական արդյունքների դեպքում ծնողների/ խնամակալների հետ իրականացվում է հարցազրույց։ Հարցազրույցը վարում է Գործադիր տնօրենը՝ հոգեբանի մասնակցությամբ։
Փուլ 4․ Որոշման կայացում ընդունելության վերաբերյալ․
Ընդունելության վերաբերյալ վերջնական որոշումը կայացնում է ընդունող հանձնաժողովը, որում ներգրավված են դպրոցի տնօրենը, PYP համակարգողը, հոգեբանը և այլ ներկայացուցիչներ, առարկայական մասնագետներ՝ ըստ անհրաժեշտության։ Հանձնաժողովի կողմից կայացված որոշումը վերջնական է և վերանայման ենթակա չէ։
Որոշումը կարող է լինել՝ ընդունելու, սպասողների ցուցակում ընդգրկելու կամ չընդունելու մասին։
• Ընդունելության վերաբերյալ որոշում․
Եթե դիմորդը բավարարում է սահմանված պահանջները և առկա է համապատասխան թափուր տեղ, ապա դիմորդը ընդունվում է։ Եթե ծնողը սահմանված ժամկետում չի կնքում պայմանագիր, իրականացնում ֆինանսական (անհրաժեշտ է վճարել առաջին ուսումնական տարվա վարձավճարի 10%-ը) և այլ պարտավորությունները, ապա տեղն առաջարկվում է սպասման ցանկում ներառված մեկ այլ դիմորդի։
Ընդունելության ընթացքում առաջնությունը տրվում է կրթահամալիրում սովորող հարազատ քույր կամ եղբայր ունեցող երեխաներին, ինչպես նաև Նյուտոնիկ նախակրթարանի սաներին, եթե վերջիններս դիմել են մինչև փետրվարի 15-ը։
• Սպասման ցուցակում ներառելու վերաբերյալ որոշում․
եթե դիմորդը բավարարում է սահմանված պահանջները, սակայն առկա չէ թափուր տեղ, ապա դիմորդը հայտնվում է սպասողների ցուցակում։ Թափուր տեղի առկայության դեպքում այդ մասին տեղեկացվում է ծնողը։
Եթե սպասման ցուցակում գտնվող երեխային տեղ չի առաջարկվում, ապա հաջորդ ուսումնական տարի անհրաժեշտ է նոր դիմում-հայտ ներկայացնել։
• Չընդունելու վերաբերյալ որոշում․
Ընդունող հանձնաժողովն իրավունք ունի կայացնել որոշում դիմորդին չընդունելու վերաբերյալ, եթե․
- դպրոցը համապատասխան միջավայր չէ դիմորդի զարգացման համար,
- դիմորդի ընդհանուր նկարագիրը կամ գնահատման արդյունքները ցույց են տալիս, որ երեխան դեռևս չի բավարարում ծրագրի պահանջներին,
- պահանջվող փաստաթղթերը չեն ներկայացվել կամ թերի են ներկայացվել,
- ծնողի ակնկալիքները դպրոցից և պատկերացումները միջավայրի մասին չեն համապատասխանում առաջարկվող ծառայություններին, մոտեցումներին, միջավայրին։
Փուլ 5․ Փաստաթղթերի ներկայացում
Դրական որոշման դեպքում ծնողը, սահմանված ժամկետում պետք է ներկայացնի․
- Դիմում․ լրացվում է ձեռագիր կրթահամալիրում
- Առցանց հայտ․ https://ohanyan.org/application/
- Ստորագրված պայմանագիրը և Կարգապահական կանոնները
- Երեխայի առողջության և պատվաստումների վերաբերյալ տեղեկանք (26 ձև)
- Երկու լուսանկար՝ 3×4 չափսի
- Երեխայի ծննդյան վկայականի և հանրային ծառայությունների համարանիշի մասին տեղեկանքի պատճենները
- Ծնող(ներ)ի անձնագր(եր)ի պատճեն(եր)ը
- Նախորդ կրթության վերաբերյալ փաստաթղթեր. սովորողի «Անձնական գործ» գրքույկը (բացառությամբ առաջին դասարան ընդունվելիս)
- Կանխավճարի անդորրագիրը․ առաջին ուսումնական տարվա 10%-ի չափով։ Կանխավճարը փոխանցվում է որպես առաջին ամսվա վարձավճար և երեխայի տեղափոխության դեպքում չի վերադարձվում։
Փուլ 6․ Հրամանագրում
Դիմորդը համարվում է ընդունված և հրամանագրվում է՝ վերոհիշյալ բոլոր փաստաթղթերի ամբողջ փաթեթի ներկայացման դեպքում։ Փաստաթղթերի թերի փաթեթի ներկայացման դեպքում կրթահամալիրն իրավասու է երեխայի փոխարեն ընդգրկել սպասման ցուցակից նոր դիմորդի։
Բոլոր օղակների վարձավճարը (տարրական, միջին, ավագ)
| Ծառայություն | Տարեկան վարձավճար |
| Ուսման վարձավճար (մինչև ժամը 14։30) | 1 500 000 ՀՀ դրամ |
| Երկարօրյա ծառայություն (մինչև ժամը 18։00) | 400 000 ՀՀ դրամ (ներառյալ սնունդ) |
| Երթուղային ծառայություն | 400 000 ՀՀ դրամ |
| Երթուղային ծառայություն (միակողմանի) | 300 000 ՀՀ դրամ |