Ընտրեք IB ուղին

«Օհանյան» կրթահամալիրը և նրա կազմում գործող «Նյուտոնիկ» նախակրթարանը հավաստագրված են որպես հեղինակավոր «Միջազգային բակալավրիատ» (ՄԲ) համաշխարհային դպրոց և նախակրթարան (IB World School)։

Այս ձեռքբերումն ընդգծում է դպրոցի հանձնառությունը՝ ապահովելու միջազգային բարձր չափանիշներին համապատասխան կրթություն՝ ուղղված բանիմաց, վերլուծող, հետազոտող, լայնախոհ, սկզբունքային և հավասարակշռված ապագա առաջնորդների ձևավորմանը։ Մեթոդաբանության առանցքում ընկած է հետազոտահեն և նախագծահեն ուսումնառությունը՝ միջառարկայական կապերի ապահովմամբ։

Կրթօջախը ձեռք է բերել հասանելիություն ռեսուրսների հարուստ ընտրանու, ուսուցիչների մասնագիտական զարգացման լայն հնարավորությունների և աշխարհի IB դպրոցների ցանցին։